‘
لعبه سكرو – صاحب صاحبه
شرح اللعب :
كل لاعب بيبدأ اللعبة ومعاه 4 كروت وباقى الكروت مقلوبة على الأرض مسموح له بس يبص فى كارتين ولو حاول يشوف كارت زياده او يغير ترتيب الورق هيلبس
الهدف الاساسى من اللعبه انه يكون معاك اقل عدد من النقط فـ بتالى بتكسب الجولة وبيتم اللعب لكذا جولة لحد ما اكتر لاعب بيجمع نقط هو اللى بيخسر وبيبقا سكرو اللعبه
الفوره من 50 او 100
الكوتشينه متوزعه ما بين ارقام كلنا عارفينها (الكوماندز 7 و 8 يخلوك تشوف كارت زياده من الورق والـ 9 و 10 بيخلوك تشوف كارت عند لاعب تانى كارت الخد وهات بيخليك تبدل كارت بكارت من غير ما تشوف او تختار مع حد من اللعيبه ولو خدت بالك وانت بتبدل بتلبس الكارتين سوا كارت كعب داير بيخليك تشوف كارت عند كل اللاعبين بما فيهم نفسك وأخيراً كرت البصره اللى بيخليك تتخلص من كارت من كروتك بأختيارك
وعشاااااان تفعل اى كارت من كروت الكوماندز لازم تكون مسحوبه من الورق اللى فى النص بين اللاعبين لكن لو موجود من ضمن ورق اللى اخدته فى اول اللعب يبقا لازم تتخلص منهم لان قيمة كل كرت منهم بتساوى 10
الكروت الغير عادية وهى +20 دا مصيبه لازم تتخلص منه بسرررعه و الـ -1 ودا كرت زى الفل بيتم الاحتفاظ بيه وكرت السكرو الاحمر قيمته 20 نقطه والسكرو درايڤر قيمته صفر
طريقة اللعب💡🕹
طالما لسه محصلتش اول رميه من اى لاعب وخدت ورقك تقدر تبص بسرعه فى ورقك
بيتم قلب اول كارت من كومة الورق للكل وبعدها يبدأ كل لاعب بالتوالى سحب كارت
يسحب اول لاعب كارت ويشوف هيتخلص من انهو كارت اللى سحبه او يبدله عميانى من الـ 4 كروت المقلوبين قدامه وباقى اللاعبين عـ التوالى
بعد كدا ممكن اللاعب اللى بعده لو مش حابب يسحب ويبدل كارت عميانى من اللى عالارض بيعمل ده بسرعه منغير ما يشوف الكروت وهكذا يا تسحب يا تبدل
لا لاعبين من الـ 4 اتخلصوا من ورقه لازم باقى الفريق يكشف ورقه ويشوفوا مين اقل واحد عند نقط وهو يكون الفايز فى الجوله
المراجعات
لا توجد مراجعات بعد.